ՀՀ դեսպան Վահրամ Կաժոյանի հանդիպումը Հո Շի Մին քաղաքի ժողովրդական կոմիտեի նախագահի տեղակալ պարոն Դուոնգ Ան Դըքի հետ:

28 հունիսի, 2023

Ս.թ. հունիսի 28-ին ՎՍՀ-ում ՀՀ դեսպան Վահրամ Կաժոյանը հանդիպեց Հոշիմին քաղաքի ժողովրդական կոմիտեի նախագահի տեղակալ (փոխքաղաքապետ) պարոն Դուոնգ Ան Դուքի հետ:

Հանդիպման ընթացքում կողմերը քննարկեցին Հայաստանի և Վիետնամի միջև երկուստեք հետաքրքրություն ներկայացնող ոլորտներում համագործակցության, քաղաքների ու նահանգների միջև բարեկամական հարաբերությունների հետագա զարգացման ու խորացման, իրավապայմանագրային դաշտի ընդլայնման, երկու երկրների միջև ուղիղ օդային հաղորդակցության հաստատման հարցերը:

Դեսպան Կաժոյանը կարևորեց երկու երկրների քաղաքների և նահանգների միջև համագործակցության զարգացումը և խորացումը՝ նշելով, որ Հոշիմին քաղաքի ժողովրդական կոմիտեին դեսպանության կողմից փոխանցվել է Գյումրի–Հոշիմին քաղաքների միջև քույր-քաղաքների փոխըմբռնման հուշագրի նախագիծը և դեսպանությունն ակնկալում է Հոշիմին քաղաքի ժողովրդական կոմիտեի արձագանքը:

Հոշիմին քաղաքի ժողովրդական կոմիտեի նախագահի տեղակալ պարոն Դուոնգ Ան Դուքն ընդգծեց, որ Գյումրի–Հոշիմին քաղաքների միջև քույր-քաղաքների փոխըմբռնման հուշագրի կնքումը նոր խթան կհաղորդի երկու քաղաքների միջև համագործակցության զարգացմանը` նպաստելով երկու քաղաքների պատվիրակությունների հաճախակի այցերի կազմակերպմանը:

Հանդիպմանը մասնակցում էին դեսպանության երկրորդ քարտուղար Արամազդ Մուրադյանը և դեսպանի օգնական տիկին Նգույեն Տան Տամը, իսկ վիետնամական կողմից՝ Հոշիմին քաղաքի ԱԳՆ արտաքին հարաբերությունների դեպարտամենտի տնօրենի տեղակալ պարոն Ֆամ Դուտ Դիեմը, այլ պաշտոնյաներ և փորձագետներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր